Dita e pranimit

Mirë se vini në Institucionet e Kujdesit Shëndetësor Koç!

Për procedurat e pranimit, ju rekomandojmë që të sillni dokumentet e mëposhtme:

• Pasaportë
• Të dhënat mjekësore ose dokumentet
• Kartën e sigurimit privat dhe formularin e sigurimit për hospitalizim me miratimin e mjekut

Vlerësimi nga infermieret
Një nga infermieret tona do të takohet me ju për të përfunduar një vlerësim gjithëpërfshirës dhe përmes vlerësimit të historisë suaj mjekësore. Informacioni i grumbulluar do të futet në sistemin tonë elektronik, i cili do të jetë i disponueshëm për mjekun tuaj. Ajo gjithashtu do të shpjegojë udhëzimet para-operatore (përgatitjen për zorrët, udhëzimet e të qenit esëll dhe medikamentet paraprake) dhe do të masë tensionin e gjakut dhe temperaturën.

Analizat e gjakut & EKG
Një teknik laboratori do të marrë mostrat e gjakut të kërkuara nga mjeku juaj, dhe ndoshta mund t’ju bëjë një EKG (elektrokardiogram). Një mostër e dytë e gjakut mund të kërkohet në varësi të llojit të kirurgjisë që do të kryeni. Ju do të informoheni nga tekniku juaj i laboratorit nëse kjo do të ndodhë.

Grafia e mushkërive
Mjeku juaj mund të ketë kërkuar një grafi të mushkërive si pjesë e procesit tuaj të pranimit. Do të informoheni nëse kjo është e nevojshme.

Anestezisti
Në varësi të historisë / operacionit tuaj mjekësor, mund t’ju kërkohet një vizitë me anestezistin. Vlerësimi i anestezistit përfshin diskutimin e historisë suaj mjekësore, shqyrtimin e çdo medikamenti që po merret aktualisht, si dhe për menaxhimin e dhimbjeve, vlerësimin e rrugëve të frymëmarrjes dhe llojin e anestezisë më të përshtatshme për ju. Ju lutemi vini re se anestezisti që do t’ju vizitojë mund të mos jetë i njëjti me atë që do të jetë prezent në operacionin tuaj.

• Përafërsisht 45-90 minuta
• Ju lutem vini re se ky vlerësim mund të jetë më i gjatë ose më i shkurtër, në varësi të historisë mjekësore, ndihmës me gjuhën nga përkthyesi, etj.

Koordinatorët Klinikë
Koordinatorët tanë klinikë të shkëlqyer janë gjithashtu në dispozicion për t’ju ndihmuar në adresimin e ndonjë shqetësimi që mund të keni në lidhje me kirurgjinë tuaj. Kirurgu juaj mund të ketë kërkuar një konsultim me ta më përpara, ose infermieret tuaja mund t’i thërrasin ata që të vijnë dhe të takohen me ju nëse është e nevojshme.

Shpresoj që ky informacion ka qenë i dobishëm në shpjegimin e detajeve të takimit tuaj të pranimit. Ju lutemi mos ngurroni të na bëni pyetje, pasi jemi më se të lumtur t’ju ndihmojnë gjatë këtij udhëtimi të rëndësishëm!